Mae arwahanrwydd cymdeithasol yn anodd oherwydd mae angen ein gilydd arnon ni i oroesi, er mae’n gallu teimlo'n anodd iawn ymgysylltu â phobl eraill ar adegau. Yn eich astudiaethau, rydych chi'n dysgu gyda phobl eraill a chanddyn nhw. Ceisiwch gymryd rhan yn gymdeithasol ar eich cwrs gymaint ag y teimlwch y gallwch. Mae hyn yn arbennig o bwysig os yw’n anodd i chi gymdeithasu mewn ffyrdd eraill yn y brifysgol oherwydd pethau fel cyfrifoldebau eraill, gwaith rhan amser, neu rwystrau eraill.   

Gall arwahanrwydd cymdeithasol fod yn arbennig o anodd os ydych chi'n fyfyriwr rhyngwladol gan y gallech fod yn bellach i ffwrdd oddi wrth eich teulu, eich ffrindiau a’ch cymuned. Gwyliwch y fideo isod. Mae David Pye o Undeb Myfyrwyr PDC yn siarad am ei brofiadau personol o fod yn fyfyriwr rhyngwladol, byw ac astudio oddi cartref, ac arwahanrwydd cymdeithasol. Mae capsiynau ar y fideo yng Gymraeg.  

Fel mae David yn ei ddweud yn y fideo, dylech ofyn am gymorth os oes ei angen arnoch. Os oes angen cymorth arnoch, edrychwch ar y wybodaeth am ble i fynd i gael cymorth i weld beth sydd ar gael. 

Wrth i ni ddysgu, rydyn ni’n gwneud camgymeriadau, a gall wneud i ni deimlo'n fregus. Mae dysgu gweithredol yn ein galluogi i roi cynnig ar bethau ac efallai na fydd bob amser yn arwain at y canlyniadau disgwyliedig. Mae hyn yn cynnig cyfleoedd i ddysgu, gan gynnwys dysgu am ein hunain. Mae hefyd yn gallu newid ein safbwynt am ffyrdd o fynd i'r afael â thasgau dysgu, yn ogystal ag am y byd yn ehangach. Mae'n helpu i ffurfio perthynas dda gyda phobl ar eich cwrs, cefnogi eich gilydd a helpu eich gilydd pan fyddwch yn gwneud camgymeriadau. Mae’n dda bod yn sensitif ac yn adeiladol pan fyddwch chi’n tynnu sylw at gamgymeriad rhywun arall hefyd. 

Ceisiwch rannu eich llwyth gwaith dros amser a rhoi seibiannau i chi'ch hunan i wneud pethau fel treulio amser gyda ffrindiau neu deulu, yn enwedig yn ystod cyfnodau asesu. Gallech gyfnewid syniadau ar eich cwrs am reoli amser a therfynau amser. Gallai hefyd fod yn ddefnyddiol i chi drefnu sesiynau astudio grŵp i’ch helpu i gadw ar y trywydd cywir gyda therfynau amser. Os oes gennych lawer o asesiadau i’w cwblhau yn yr un cyfnod, rhowch adborth am hynny wrth werthuso eich cyrsiau a’ch modiwlau a thrwy eich cynrychiolwyr Cwrs a Llais y Myfyrwyr.

Gall y teimladau hyn ddigwydd ar unrhyw adeg yn ystod eich amser ym Mhrifysgol De Cymru. Maen nhw’n aml yn cysylltu â ffyrdd y gallech fod yn teimlo'n wahanol i fyfyrwyr eraill. Er enghraifft, efallai y byddwch yn teimlo hyn os mai chi yw’r cyntaf yn eich teulu i fod yn mynd i’r brifysgol ac wedi cael llai o gyfle i ddod i ddeall y ‘normau’ a’r ‘codau’ cudd yn y brifysgol. Efallai eich bod yn teimlo nad ydych yn perthyn i brifysgol. Gall wneud i chi deimlo bod gennych lai i'w gyfrannu a’i bod yn anoddach siarad. Ceisiwch gyfrannu at y dysgu a'r Brifysgol ehangach gymaint ag y gallwch. Gall hynny eich helpu i ddysgu rhywfaint o'r cod cudd fel y gallwch ei ddefnyddio'n strategol. Mae llawer o bobl amrywiol ym Mhrifysgol De Cymru, o wahanol oedrannau, cefndiroedd economaidd-gymdeithasol, ethnigrwydd, anableddau, rhywedd, rhywioldeb, crefyddau, maint corff, ac yn y blaen, ac rydych chi yma oherwydd bod gennych chi lawer i'w gynnig. Gallwch wneud cyfraniadau sy'n ystyrlon i chi. Gallwch gysylltu â phobl sydd â gwahanol brofiadau, safbwyntiau a chymunedau. Mae'n debygol y byddwch yn gallu cynnig dealltwriaeth ddyfnach o ba mor gyd-ddibynnol ydyn ni fel bodau dynol hefyd.

Weithiau byddwch chi'n gwneud gweithgareddau mewn timau. Gall hyn deimlo'n frawychus, ond ceisiwch feddwl am gydweithio fel cyfle i helpu'ch gilydd a meithrin perthnasoedd a chyfeillgarwch da. Treuliwch amser yn dysgu am eich cyfoedion, a pheidiwch â rhoi pwysau ar neb i rannu dim byd nad ydyn nhw eisiau ei wneud. Cofiwch fod gan bobl wahanol arddulliau cyfathrebu. Wrth ymateb i rywun, yn enwedig wrth roi adborth ar waith llafar, ddylech chi ddim canolbwyntio ar arddull iaith, ynganiad, iaith y corff, na thôn y llais. Rhowch adborth ar sail y gwaith, nid yr unigolyn. Mae’n gallu bod yn ddefnyddiol canolbwyntio ar yr hyn nad oeddech chi’n ei ddeall neu os oes manylion ar goll. Gall hefyd fod yn ddefnyddiol cael cytundeb fel tîm sy'n cynllunio pwy sy'n cyflawni pa rolau a phwy sy'n gwneud pa waith a phryd.

Os oes gennych hanes o drawma oherwydd profiadau straenus, brawychus, aflonyddus neu ofidus iawn, weithiau gall y ffordd y gofynnir i chi gymryd rhan mewn tasgau dysgu greu problemau. Cofiwch nad oes angen i chi rannu dim byd personol amdanoch chi'ch hunan, y gallwch adael yr ystafell os oes angen, ac efallai y byddwch weithiau'n gallu optio allan yn gyfan gwbl o weithgareddau sy'n achosi trallod i chi. Cofiwch y gallwch ofyn am gymorth os oes ei angen arnoch, er enghraifft, drwy'r Gwasanaeth Lles. Mae'r adran isod yn cynnwys gwybodaeth am ble i fynd os oes angen cymorth arnoch.

Weithiau bydd problemau penodol yn codi sy’n ymwneud â dysgu a'ch cwrs a allai fod ond yn berthnasol i chi fel myfyriwr rhyngwladol. Efallai y bydd y cymorth canlynol yn ddefnyddiol i chi.  

• Bydd y gwasanaeth Datblygu Myfyrwyr a Sgiliau Astudio yn cynnal gweithdai yn ystod y flwyddyn academaidd a ddylai fod yn arbennig o ddefnyddiol i chi. Er enghraifft, gweithdai ar archwilio a thrafod astudio mewn prifysgol yn y Deyrnas Unedig a dadansoddi'r syniad o hygrededd academaidd. Mae manylion am y rhain i’w gweld yn yr adran Gweithdai ar y wefan Sgiliau Astudio.  
  
  
• Gall sgiliau iaith fod yn bryder weithiau yn y brifysgol os nad Cymraeg neu Saesneg yw eich iaith gyntaf. Mae’r Ganolfan Saesneg Rhyngwladol yn cynnig amrywiaeth o gyrsiau a chymorth sydd wedi’u cynllunio i’ch helpu i wella’ch sgiliau iaith, cyn dechrau ac yn ystod eich astudiaethau. Mae'r athrawon yn gyfeillgar ac yn gymwynasgar ac yn croesawu unrhyw fyfyriwr sy'n pryderu am lefel eu hiaith neu'n gweld ei bod yn eu hatal rhag dysgu'n effeithiol. Mae modd cysylltu â nhw yn [email protected]. 
  
  
• Gall y tîm Cyngor Mewnfudo a Myfyrwyr Rhyngwladol ddarparu cyngor ar lawer o bethau sy'n benodol i'ch sefyllfa. Er enghraifft, os oes gennych unrhyw bryderon am fisas a lleoliad gwaith, gallan nhw gynnig cyngor i chi.

Gall y Gwasanaeth Anabledd ddarparu cyngor a chymorth ar gyfer eich astudiaethau ym Mhrifysgol De Cymru. Gall ymgynghorwyr weithio gyda chi i ddod o hyd i ddatrysiadau i'ch helpu chi'n bersonol. Gwyliwch y fideo isod. Mae Jamie Edwards, sy’n aelod o staff, yn siarad am bwysau bywyd prifysgol i fyfyrwyr anabl a sut gall y gwasanaeth helpu i gefnogi eich lles. Mae capsiynau ar y fideo. 

Er mwyn cael syniad o’r cymorth sydd ar gael gan y Gwasanaeth Anabledd, gwyliwch y fideo isod. Mae Kyle Eldridge, sy’n fyfyriwr awtistig/anabl, yn siarad am ei brofiadau personol o gael cymorth gan y tîm Ymgynghorwyr Cymorth Anabledd ym Mhrifysgol De Cymru. Mae capsiynau ar y fideo yng Gymraeg. 

Gall gwaith academaidd yn y brifysgol fod yn dra gwahanol i waith academaidd rydych wedi'i wneud yn rhywle arall, yn enwedig o ran gwaith asesu. Gall asesu fod yn broses emosiynol iawn hefyd. Gall deimlo fel eich bod yn cyflwyno nid yn unig eich gwaith, ond chi eich hunan, i gael craffu arnoch chi hefyd. Mae’r gwasanaeth Datblygu Myfyrwyr a Sgiliau Astudio yn cynnig gweithdai grŵp a sesiynau tiwtor un i un sy'n cynnig gofodau mwy diogel i siarad am eich pryderon. Gwyliwch y fideo isod. Mae Jamie Edwards, sy’n aelod o staff, yn siarad am sut gall y gwasanaeth Datblygu Myfyrwyr a Sgiliau Astudio gefnogi eich lles. Mae capsiynau ar y fideo.  

Mae Jamie yn trafod mentora yn y fideo. Efallai y byddwch am ymuno â’r cynlluniau mentora, fel bod gennych rywun i siarad â nhw sydd wedi bod trwy brofiadau dysgu tebyg i chi. 

Gallwch hefyd roi cynnig ar y dolenni canlynol i'ch helpu gyda phryderon academaidd eraill, gan gynnwys dod o hyd i le pwrpasol i astudio (yn unigol neu mewn grwpiau). 

• Sgiliau’r Llyfrgell,
• Cyfeirnodi, llên ladrad ac arfer academaidd da,
• Mannau astudio ac archebu ystafelloedd,
• Hyfforddi Academaidd Personol.

Os ydych chi'n newydd i'r campws eleni ac yn poeni am ddod o hyd i ble mae angen i chi fod a phryd, gallwch roi cynnig ar y dolenni hyn i'ch helpu chi.  

• Mapiau o'r campysau,
• FindARoom,
• Gweld eich amserlen addysgu. 

Os ydych yn dilyn cwrs lle mae lleoliadau gwaith yn elfen arwyddocaol, fe welwch fel arfer fod gwybodaeth benodol yn ymwneud â lleoliadau ar gael drwy eich cwrs. Chwiliwch am hyn. Gofynnwch i staff ar eich cwrs os nad ydych yn siŵr ble i ddod o hyd i’r wybodaeth. Os nad ydych chi’n dilyn y math hwn o gwrs, rhowch gynnig ar y dolenni isod.  

• Canllawiau Lleoliad Myfyrwyr.
• CyswlltGyrfaoedd (mewngofnodwch i GyswlltGyrfaoedd a phori drwy’r tudalennau am Raglenni Lleoliadau Gwaith sy’n rhoi arweiniad ar y broses leoliadau o’r dechrau i’r diwedd.
• Gwefan Gyrfaoedd.